شعرك فيه قشره ودهني؟ يتساقط؟ تبينه يرجع زي اول؟

السلام عليكم ورحمة الله وبركاته
اول شي حبيباتي هذا من فضل ربي علي الي هداني واستجاب دعوتي
* يمكن الي فادني ما يفيد غيري وكل وحده وشعرها وطبيعته بس الي تشوف شعرها زي شعري يمكن يفيدها *
*اذكرو الله*
من يوم ما كنت صغيره ماشاءالله وشعري كثير واخواني واهلي ماشاءالله شعورهم كثيفه ونااعمه وكلن يسال امي الله يخليها لي
يحسبوني احط شي على شعري او اهلي يحطون شي الله يهديها ما كانت تقرا علي الاذكار
ومو ثقه في نفسي والله بس هذا الصدق
وابوي الله يطول بعمره ماشاءالله للحين شعره كككثيف وجدتي ماشاءالله تبارك الله وهي كبيره بالعمر ما تحط ولا شي وشعرها كثيف وناعم ماشاءالله
* اصلنا بدو *عامل الوراثه بعد
بس مو تكون وحده شعرها خفيف وهي صغيره او اهلها شعورهم مو كثيره
وتبي تكثره
ممكن يمتن ويصير حيوي بس ما يكثر وفيه عمليات زراعه ياخذون من الخلف ويحطون لك بالمكان الي تبينه يعني شعرك منه وفيه

وبالنسبه لي ما استعملت شامبو الا جونسون ويوم كبرت شوي الشامبو الاحمر 3 مرات بالاسبوع ومسحة زيت على شعر بالاسبوع مره واهلي يستعملون اي شي وكلهم شعورهم ماشاءالله حلوه وكثيفه
وفجأه طلع لي قشره وكان عمري 11 او اقل ناسيه وجربت كل العلاجات وودتني اممي الله يجزاها الجنه ويطول بعمرها لكل الدكاتره ولا قصرت بس ما فااد كان مثل الملح!! جربت اغلى العلاجات ولاا فاااد
غريب وعجيب واخر دكتور شكله ماله سبب ف قالي وراثه القشره!!! بس ما في تساقط ولا دهني
انا اتوقع من المويه حقتنا اذا تروشت
لان المويه حقة السعوديه لها دور بعد
بس يوم فكرت ان اهلي يستعملون نفس المويه ولا ضرهم ولا جاتهم قشره
وكنت احط كل الزيوت ولا يفيييد
و غيرنا بيتنا خفت القشره شوووي
لين صار عمري 16
بدا يتساقط
وما كنت مهتمه للتساقط وصار شعري نص الي كان عليه
واستخدمت خل وخفففت القشره بشكل عججيب ماشاءالله بس اذا تركت الخل رجع وخف التساقط بعد سنه بس ما فيه حياه

ولما صار عمري 17 بديت
استخدم الفير وليس عشان اسوي شعري كيرلي
وبعدها بفتره طويله
سويت رجيم الله لا يعيده ومع الاهمال للشعر
تساقط بشكل يخوف وبانت فراغات صار باهت + ددهني + خفيف + تعب + ارهاق + دوخه + بشره شاحبه ولونها اصفر +خمووول
واذا حطيت زيت الله لا يوريكم الشعر الي يطيح
كل يوم اتحسر اقول ليتني وليتني وليه انا بالذات ومحد من اهلي صار له زيي * الحمدلله يارب على النعمه والعافيه
وسويت تحاليل
صار عندي نقص فيتامين دال و الحديد
والحديد كنت احسبه للحاله يفيد وكان لازم العنايه الخارجيه
ومو كل شي يجي في يوم وليله
لازم ووقت وصبر
الحديد كملت اربع شهور ماشاءالله لين ارتفع ولله الحمد
وقعدت في يوم ادعي ربي وابكي اني القى شي يفيد شعري والله ينفع به ويرجع زي اول
وربي استجااب لي يارب لك الحمد
الشي الوحيد الي ما جاء ببالي استخدمه
الثوم
خايسه ريحته صح؟
تههون ويرجع شعري زي اول
والاهم من كل هذا ذكر الله
اذا مشطت شعري اقول
*بسم الله ماشاءالله لاحول ولا قوة الا بالله*
واسمع رقية الشرعيه للشعر تقريباً كل يوم
وكل شي فيه ذكر الله زين
وادلك راسي على خفيف اذا كنت فاضيه ومنسدحه

من 10 اوقست 2013
قصيت شعري وبديت اعتني
كنت مكمله الحديد في شهري الثالث ومع الثوم
الطريقة
خذيت راس ثوم مو فص انتبهو
وملعقة زيت زيتون شنواني حق اكل * ناسبني*
ادق الثوم واحط ملعقة الزيت زيتون
واحطه على فروة راسي وافركه والفه بكيس او سفره
وانام فيه
بالاسبوع من مرتين للثلاث مرات
واذا غسلته اشطفه بخل و ابخره
وتروح الريحه بسس اذا كان الجو حار شوي اشم الريحه ومحد يشمها هههههه يع
من اووول استخدام للثوم والله شاههد
تساقط الشعر خفيف الضعيف فقط وقعدت احمد ربي وسجدت له يارب لك الحممد

وبعدها بشهر ماشاءالله شعري زاان شوي طلعت له لمعه وحياه من الثوم والزيت الزيتون ماشاءالله
وخلص الخل وتعيجزت اشتريه مره ثانيه وعادي ما ضر

وقالت لي جدتي الله يطول بعمرها يارب
ارجعي للحناء * الحناء ما استخدمته من عمري 10 سنين بحجة بنات المدرسه ما يحطون ههههههه • الله يجزاها الجنه
والحناء انتبهو لازم لونه اخضر وريحته قويه وناااعم مره وتحطين معاه موويه حلوه حقة شرب بسس واذا تبين تتاكدين حطي منه على يدك خمس دقايق ويصير غاامق برتقالي
وبديت استخدمه ماشاءالله تبارك الله
مره بالاسبوع
صارت الشعره غليظه وثقيله ولون حلو ولمعه وصحي ماشاءالله
والحين في شهري الثالث ماشاءالله بالثوم والحنااء
تساقط طبييعي ثلاثين شعره بالكثيير ما في قشره ناادر جداً القى
والشامبو استخدم الاحمر اخف ضرر وما اهتم بالاشاعات الي عليه
من صغري استخدمه واهلي كلهم وما خرب شعري الا يوم تركته واستخدمت التجاريه
ان شاءالله لما اتعافى ويكثر شعري بصير اخلي الحناء كل اسبوعين والثوم كل شهر
وبديت استخدم زيت تراشوب الهندي حليو وخفيف استعملته مرتين ما شفت منه تساقط
بس صار رطب شعري وفيه حياه اكثر

اكتشفت ان القشره سبب عين لان ما راحت الا من بديت بالرقيه وانا اسمعها كان يجيني صداع قووي وبعد فتره الحمدلله معد يجيني لا صداع ولا قشره وانا تاركه الخل الحمدلله يارب
بس التساقط من اهمالي الله يهديني

في النهاية
ما كتبت هالموضوع الا من معاناتي ولا ابي احد يعاني زيي وطيعو امهاتكم الله يخليلهم لكم وترا عنادي وصلني للكذا
وما احب اكون حسوده ولا احرم غيري
واول شي انك تثقين بالله وان الله ينفع به وتصدقين في نيتك والله ما يخيب عباده
الله يرزقكم ويوفقكم لما يحبه ويرضاه وترجع شعوركم زي اول واحسن

ادعو للوالديني تككفووون
وادعولي ان ربي يوفقني ويرززقني ويصلحني ويهديني وويرجع شعري زي اول وشعوركم يارب

بسم الله الذي لا يضر مع اسمه شي في الارض ولا في السماء

شكر جزيلا للطرح القيم
ننتظر المزيد من ابداع مواضيعك الرائعه
تحيتي وتقديري لك
وددي قبل ردي .....!!